Áskorun frá íbúendum Neskaupstaðar til eigenda Kjörbúðarinnar.

Áskorun Við undirrituð, íbúar og viðskiptavinir Kjörbúðarinnar í Neskaupstað, skorum hér með á eigendur hennar að bæta úr þeirri aðstöðu sem viðskiptavinir hennar þurfa að búa við í dag. Lengi voru tvær eða fleiri matvöruverslanir hér í bæ en núna er bara ein eftir, Kjörbúðin, og þurfum við að búa við að húsnæði hennar er á engan hátt nægjanlega stórt og samfara því minna vöruframboð og hátt vöruverð. Skorum við því á Samkaup að bregðast við þessari stöðu með myndarlegum hætti, stækka verslunina og breyta henni í Nettóbúð. Með þeim hætti mætti standa frekar við loforð um lægra vöruverð en nýleg verðkönnun ASÍ sýnir fram á að Kjörbúðin hefur hækkað vöruverð mest allra matvöruverslana á síðastliðnu ári. Við viljum taka skýrt fram að áskorun þessi snýr alfarið að húsnæði og starfsemi Samkaupa en ekki að starfsfólki ykkar hér sem hefur staðið sig með afbrigðum vel í alla staða og ekki síst á meðan Covid 19 faraldurinn reið yfir.